الرئيسية / الحياة والمجتمع /  5 طرق لتعلم فتح مواضيع |فهمني دوت كوم

 5 طرق لتعلم فتح مواضيع |فهمني دوت كوم

 5 طرق اتعلمهم علشان تعرف تفتح مواضيع 

1- قاطعها بذكاء : طبيعى اول ما تتعرف عليها او تشوفها لتانى او لاول مره ولو حتى بتكراش عليها تبقى عايز تكلمها بس مش عارف ازاى او منين وهتقول ايه ،
المره الجايه لما تشوفها روحلها وهى حتى مع اصدقائها وقولها ” فلانه ازيك عامله ايه ؟ انا فلان الفلانى الى قابلتك فى المكان الفلانى مع ابتسامه لطيفه كدا وعرفها نفسك وامشى * ومتحاولش تطول معاها ابدا واتكل على الله خصوصا كام اول مره ، علشان متاخدش عنك انطباع انك ( رخم ودمك تقيل ) .

2- ابتسملها وقولها “ازيك ” لما تشوفها : لو صادفت وقابلتها حتى لو لاكتر من مره فى اليوم برضو متنساش انك تبتسملها وتقولها ” هاى ازيك عامله ايه ؟” دى حاجه بتوضحلها انك مرتاح معاها وعايزها .

3- افتكس اى حوار مشترك : اى اهتمام مشترك بينكو لازم تلاقيه لما تتكلم معاها فى المره التالته او الرابعه ، زى مثلا بتربى قطه قولها ” وانا كمان عندى قط اسمه كذا وكان بيخربشنى فى قفايا ” مثلا ، لو لقيتها بتسمع مزيكا معينه قولها ” انتى ازاى بتحبى المزيكا المقرفه دى الباند د وحشه اوى ” وكلمها عن مزيكتك المفضله وهكذا . المهم دايما ركز على النقطه المشتركه بينكو .

4- كلمها بلغتها : اتكلم عربى مظبوط لو هى بتحبه وبتحب الشعر مثلا ، اتكلم انجلش كتير لو لقيتها بتتكلم انجلش برضو فى نص كلامها ، كلمها بلغه دراستها لو بتدرس مجال وانت فاهمه ، المهم انك على اد ما تقدر تتكلم بلغتها وبنفس التونالتى او نبره الصوت من حماسه وطاقه فى كلامها لو اتكلمت فى موضوع معين بيفرحها افرح واضحك واتنطط معاها .
لانه بكدا انت بتوصل رسالها لعقلها الباطن مفادها ” انا شبهك انا زيك ” فهيطمنلك اسرع وأسرع

5-خليها تتكلم عن نفسها :دايما خليها تتكلم عن نفسها اكتر ، عن طموحها عن مستقبلها عن اصحابها عن كل الى بتحبه وبتكره عن افلامها المفضلة حتى ، لانه ودى خدعه دايما بعلمها للولاد ( المرأة سيكولوجبا بتكون مشاعر بسرعة مع الشخص الى بتتكلم معاه فى تفاصيل حياتها او عن نفسها ودى طريقه عقلها الباطن بيشتغل بيها علشان يطمن نفسه فبالتالى يطمنلك انت كمان جدا

6- ضحكها : قدرتك على اضحاكها هتحدد كتير فى مستقبل نظرتها ليك ، لا اراديا المرأه بترتاح وبتحب الشخص الى بيضحكها حتى لو كان فيه عيوب بتحب تكون معاه على الاقل وبتميل انها تتكلم معاه وتفضفض ، فضحكها بألش او رخامه عليها او تريقه على نفسك وعليها ،
* لكن اوعى اوعى تتريق او تسخر من حد ‘ ضعيف ‘ او طيب او كويس ،لمجرد انك تضحكها لانها ممكن تضحك اه لكن ( هتحقرك ) جواها وهتبصلك انك مجرد اراجوز مش اكتر

عن Hassan

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *